1in.am-ը գրում է.
Վեսթմինսթերի պաշտոնյաները հավանության են արժանացրել Լոնդոնի կենտրոնում Ծովակալության կամարը հյուրանոցի վերածելու ծրագիրը, գրում է The Times-ը:
Ծովակալության կամարն անցած տարի 60 մլն ֆունտ սթեռլինգով գնել էր Prime Investors Capital ընկերությունը, սակայն նրան կամարը էքսկլյուզիվ հյուրանոցի վերածելու թույլտվություն չէր հատկացվում:
Երեկ հարցը դարձյալ դրվել է քննարկման ու այս անգամ PIC-ը խոստացել է քաղաքին հատկացնել հավելյալ 600 հազար ֆունտ սթեռլինգ՝ Լոնդոնի կենտրոնում շենք կառուցելու ու ևս 600 հազար ֆունտ սթեռլինգ՝ արվեստի զարգացման համար:
5 կամարներով 5 հարկանի շինությունը կառուցվել է 1912 թ.՝ Էդվարդ 7-րդի պատվերով՝ ի հիշատակ թագուհի Վիկտորյայի:
Ծովակալության կամարը սահմանակից է մի կողմից՝ Թրաֆալգարի հրապարակին ու մյուս կողմից՝ Սենտ-Ջեյմս այգուն: