Ֆիդել Կաստրոն զարմացած է իր երկարակեցությունից

Emedia.am-ը գրում է.

Ֆիդել Կաստրոն չէր սպասում, որ կկարողանա 2006թ–ից հետո ևս 7 տարի ապրել։ Այդ ժամանակ նա ծանր հիվանդացել էր։ Այս մասին Կուբայի նախկին առաջնորդը գրել է իր ծննդյան օրվա կապակցությամբ Granma թերթում տպագրված հոդվածում։

Կաստրոն պնդում է, որ գիտակցելով հիվանդության ողջ լրջությունը, առանց մեկ վայրկյան մտածելու որոշել է թողնել նախարարների խորհրդի նախագահի պաշտոնը։

Ֆիդել Կաստրոյի մեծ հոդվածը հրապարակվել է օգոստոսի 14–ին, որի նախօրեին լրացավ Կաստրոյի 87–ամյակը։ Բացի իր հիվանդությունից, Կաստորն անդրադարձել է նաև այլ թեմաներին, այդ թվում՝ Կուբայի ու Հյուսիսային Կորեայի համագործակցությանը։