Կան բազում սննդամթերքներ, որոնք խթանում են ուղեղի աշխատանքը: Եթե ցանկանում եք զարգացնել ձեր մտավոր ունակություններն ու հիշողությունը, օգտագործեք օգտակար սննդամթերքներ: Մի մոռացեք նաև լավ քնելու և մարմնամարզության մասին: Մենք առաջարկում ենք ձեր սննդակարգում ներառել հետևյալ մթերքները:
1) Ընկուզեղեն
Համաճարակաբանության ամերիկյան ամսագրում հրապարակվել է մի հետազոտություն, որում ապացուցվում է, որ վիտամին E-ն խթանում է ուղեղի աշխատանքը: Վիտամին E-ի աղբյուր կարող են հանդիսանալ ընկույզը, նուշը, ավոկադոն: Բալատրենին և արևածաղկի սերմերը պարունակում են նաև ամինաթթու, ինչը նվազեցնում է սթրեսը: Ընկույզը պարունակում է օմեգա 3: Այն բարելավում է մարդկանց մտավոր կարողությունները: Մտավոր աշխատանքի և ընկույզի օգտագործմոն միջև կապն ակնհայտ է. անգամ իր տեսքով ընկույզը նման է ուղեղին:
2) Կարևոր ճարպաթթուներ
Ուղեղը մարդկային օրգանիզմի ամենաճարպոտ օրգանն է: Նրա 60%-ը ճարպ է: Սա նշանակում է, որ ուղեղի սնուցման համար անհրաժեշտ են զանազան ճարպաթթուներ: Օրգանիզմն ինքնին չի արտադրում առանցքային ճարպաթթուներ, այնպես որ մենք պետք է ներառենք դրանք մեր սննդակարգում: Ձուն, կտավատը և մի շարք ձկնատեսակներ (սաղմոն, սկումբրիա, ծովատառեխ) հարուստ են ճարպաթթուներով: Ձվի հաճախակի օգտագործումը բարելավում է նաև հիշողությունը:
3) Հապալաս
Հապալասը բարելավում է կարճաժամկետ հիշողությունը: Հապալասն ավելի շատ հակաօքսիդանտներ է պարունակում, քան այլ մրգերն ու բանջերեղենները: Ելակը, ազնվամորին և մոշը ևս նպաստում են ուղեղի աշխատանքին:
4) Լոլիկ
Լոլիկի մեջ կա լիկոպին կոչվող հակաօքսիդանտ, որը խթանում է մարդկանց մտավոր զարգացումը:
5) Վիտամիններ` B վիտամին (ֆոլաթթու), երկաթ
B խմբի վիտամիններով, ֆոլաթթվով և երկաթով հարուստ սննդամթերքներից է սպանախը: B6-ը, B12-ը և ֆոլաթթուն կարող են նվազեցնել հոմոցիստեինի մակարդակը: Հոմոցիստեինի բարձր մակարդակ է լինում այն մարդկանց օրգանիզմում, ովքեր տառապում են մտավոր խնդիրներից (օրինակ` այցգեյմեր հիվանդությունից), և ովքեր գտնվում են կաթվածի վտանգի տակ: Լյարդը, ձուն, սոյան, ոսպը և կանաչ լոբին ևս հարուստ են վիտամին B-ով: Երկաթը ևս բարերար ազդեցություն է գործում ուղեղի աշխատանքի վրա: Այն թթվածին է մատակարարում ուղեղին: Եթե ուղեղին չի մատակարարվում բավականաչափ թթվածին, ուղեղի աշխատանքը դանդաղում է: Արդյունքում մարդ չի կարողանում կենտրոնանալ և երկար ժամանակ ուշադրությունը սևեռել որևէ նյութի վրա: Նման խնդիրներից խուսափելու համար լոբի, ձավարեղեն և անյուղ միս օգտագործեք: Վիտամին C-ն օգնում է, որ օրգանիզմը լավ կլանի երկաթը, այնպես որ մի մոռացեք մրգերի մասին:
6) Ցինկ
Ցինկը սնուցում է ուղեղը և խթանում մտավոր ունակությունները: Ցինկը բաշխված է նյարդային բջիջների մեջ: Ցինկի ամենամեծ կոնցենտրացիան գտնվում է հիպոկամուսի մեջ: Սա ուղեղի այն հատվածն է, որը պատասխանատու է սովորելու գործառույթի և հիշողության համար: Ցինկով հարուստ սննդամթերքներից են դդումի կորիզը, ընկույզը և սիսեռը:
7) Բրոկոլի
Բոլոր կանաչ բանջարեղենները հարուստ են վիտամին C-ով և հակաօքսիդանտներով, սակայն դրանց միջից ամենաօգտակարը բրոկոլին է: Ուղեղը կազմում է մարմնի զանգվածի ընդամենը 3%-ը, սակայն այն պահանջում է ձեր էներգիայի 17%-ը: Ուղեղի բարձր աշխատունակությունն ապահովելու համար անհրաժեշտ են հակաօքսիդանտներ: Բրոկոլին հարուստ է հակաօքսիդանտներով: Այն հայտնի է իբրև հակաքաղցկեղային միջոց: Նրա մեջ կա նաև վիտամին K, որը ևս խթանում է մտավոր ունակությունները:
8) Սոյա
Սոյայի մեջ կան մի շարք պրոտեիններ, որոնք ուժեղացնում են հիշողությունը: Սոյան նաև խթանում է մտքի ճկունությունը: Այսպիսով, հաճախ օգտագործեք սոյայով հարուստ սննդամթերք և վայելեք նրա պարգևած առավելությունները:
9) Մուգ շոկոլադ
Որքան ավելի մուգ լինի շոկոլադը, այնքան ավելի լավ: Փորձեք ընտրել այնպիսի շոկոլադ, որի պարունակության մեջ կա առնվազն 70% կակաո: Այս ախորժահամ աղանդերը պարունակում է ֆլավանոլ կոչվող հակաօքսիդանտ, որը բարելավում է ուղեղին մատակարարվող արյան շրջանառությունը և պաշտպանում ուղեղի բջիջները վաղաժամ ծերացումից:
10) Գինգկո բիլոբա
Այս բույսը դարեր շարունակ լայնորեն կիրառվել է արևելյան երկրներում: Այն նպաստում է ուղեղին թթվածնի մատակարարմանը և բարելավում արյան շրջանառությունը: Այնուամենայնիվ, արդյունքները տեսանելի կլինեն միայն բույսի օգտագործումից մի քանի շաբաթ անց:
11) Կանաչ և սև թեյ
Հետազոտությունները ցույց են տվել, որ և՛ կանաչ, և՛ սև թեյը պահպանում են օրգանիզմի ացետիլքոլինը, որը լավ հիշողության գրավականներից է, և որը բացակայում է այցգեյմերով հիվանդ մարդկանց օրգանիզմում: Այցգեյմեր հիվանդության դեպքում երկու թեյերն էլ հզոր դրական ազդեցություն են գործում, սակայն կանաչ թեյի ազդեցությունը տևում է մի ամբողջ շաբաթ, իսկ սև թեյինը` միայն մեկ օր:
12) Եղեսպակ/հազրեվարդ
Այս երկու բույսերն էլ լավացնում են հիշողությունը: Եթե դուք շատ եք զբաղվում մտավոր աշխատանքով, փորձեք ձեր սննդակարգում ներառել այս բույսերով պատրաստված կերակրատեսակներ: Դրանք ձեզ կօգնեն խուսափել գերհոգնածությունից:
