Tert.am-ը գրում է.

Սաուդյան Արաբիայի թագավոր Աբդալա բին Աբդուլ Ազիզը խոշոր գումար է հատկացրել ահաբեկչության դեմ պայքարի համար։ Մոտ 100 մլն դոլար գումարը կտրամադրվի ՄԱԿ-ի հովանու ներքո Ահաբեկչության դեմ պայքարի միջազգային կենտրոնի բացմանը, հայտնում է newsru.com-ը՝ վկայակոչելով Saudi Gazette-ին։

 Իր խոսքում թագավորը նշել է, որ ահաբեկչությունն արաբների համար ավելի մեծ վտանգ է, քան թշնամի պետությունները։

 Նախօրեին ՄԱԿ-ի գլխավոր քարտուղար Բան Կի Մունը շնորհակալություն է հայտնել միապետից շռայլ նվիրատվության համար։ Հեռախոսազրույցի ընթացքում կողմերը քննարկել են նաև տարածաշրջանում և աշխարհում տեղի ունեցած վերջին իրադարձությունները։

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել