ԱԼԲԱՆԻԱ-ՀԱՅԱՍՏԱՆ ԽԱՂԸ ՀԱՅԱՍՏԱՆՈՒՄ ԿԴԻՏԵՆ ԻՆՏԵՐՆԵՏՈ՞Վ

Օգոստոսի 14-ին կայանալիք Ալբանիա-Հայաստան հանդիպումը հեռարձակելու պայմանավորվածություն հայկական ոչ մի հեռուստաընկերություն դեռ ձեռք չի բերել: Armsport.am-ին հայտնի դարձավ, որ ալբանական RTSH հեռուստաընկերությունը խոշոր գումար է պահանջում հանդիպման ազդանշանն ապահովելու համար:

Ալբանական կողմից տեղեկացանք, որ Հայաստանից խաղը հեռարձակելու ցանկություն են հայտնել 2 հեռուստաընկերություններ: Առաջինը «Արմենիան» է, իսկ երկրորդ հեռուստաընկերությունը խնդրել է չհրապարակել իր անունը: «Արմենիայի» հետ բանակցությունները դեռ շարունակվում են, սակայն հավանականությունը քիչ է, որ 2 օր անց կայանալիք խաղը կլինի ուղիղ եթերում:

RTSH-ը խաղը հեռարձակելու է նաև ինտերնետով:

Հիշեցնենք, որ Ալբանիա-Հայաստան հանդիպումը կայանալու է Տիրանայի «Քեմալ Սաֆա» մարզադաշտում և սկսվելու է Երևանի ժամանակով 22:45-ին:

Նյութի աղբյուր՝ http://www.armsport.am/hy/news/2013/08/12/%D4%B1%D5%AC%D5%A2%D5%A1%D5%B6%D5%AB%D5%A1-%D5%80%D5%A1%D5%B5%D5%A1%D5%BD%D5%BF%D5%A1%D5%B6/350093

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:

Տպել