Armsport.am-ը գրում է․
ՊՍԺ-ի հարձակվող Նեյմարը կշարունակի հանդես գալ փարիզյան ակումբի կազմում։
Բրազիլական TNT Sports-ի տեղեկություններով, նա ՊՍԺ-ի հետ համաձայնության է եկել պայմանագիրը 4 տարով երկարաձգելու շուրջ։ Սա հաստատել է նաև RMC Sport-ը։
Նեյմարի պայմանագիրը ՊՍԺ-ի հետ համաձայնեցված է։ Սպասվում է, որ առաջիկա շաբաթվա ընթացքում կհայտարարվի գործարքի մասին։
28-ամյա բրազիլացին 2017 թվականից է հանդես գալիս ՊՍԺ-ում, ուր տեղափոխվել էր «Բարսելոնայից»՝ 222 մլն եվրոյի դիմաց։ Գործող պայմանագիրը նախատեսված է մինչև 2022 թվականը։
Նեյմարը ՊՍԺ-ի հետ երեք անգամ հաղթել է Ֆրանսիայի առաջնությունում, երկու անգամ՝ երկրի Գավաթում, Սուպերգավաթում և լիգայի Գավաթում։ Նախորդ մրցաշրջանում փարիզեցիները հասան մինչև Չեմպիոնների լիգայի եզրափակիչ, որտեղ պարտվեցին «Բավարիային» (0-1)։
