Վերջին ժամանակաշրջանում կրթական համակարգը դժվարությունների մեջ հայտնվեց. ոչ բոլորը կարողացան համակերպվել հեռավար ուսուցման գաղափարի հետ: Սակայն, միաժամանակ, պարզ դարձավ, որ նման եղանակով կարելի է ստանալ յուրաքանչյուր մասնագիտացում: Ապրելով այս ամենը՝ շատերի մոտ հարց է առաջացել. ինչպիս՞ն կլինի կրթությունն ապագայում:
Սովորել, սովորել, սովորել
Կրթության ամենահավանական տարբերակը, որին կհետևեն մեծից փոքր, այսպես կոչված lifelong learning-ն է, այսինքն՝ ողջ կյանքի ընթացքում անդադար ուսուցումը: Ամենայն հավանականությամբ կվերանա անառողջ մոտեցումն առ այն, որ կյանքում սովորում են մեկ անգամ: Մենք այսօր կարծում ենք, թե մի քանի տարի դպրոցում ու համալսարանւմ սովորելուց հետո այևս կրթությանն ուշադրություն դարձել հարկավոր չէ:
Կրթություն դպրոցից դուրս
Մեկ այլ տարբերակ է դպրոցների ու համալսարանների ինստիտուտներից մասնակի կամ ամբողջական հրաժարումը և կրթությունն այլ եղանակով կազմակերպելը: Միգուցե կանհետանա անհրաժետությունն ամեն առավոտ վաղ արթնանալու, տանից առանց հասկանալու դուրս վազելու և դպրոց հանելու: Օնլայն ուսուցումը կփոխարինի այդ ամենին:
Խնդիրն այս պարագայում այն է, որ ոչ բոլորն ունեն հասանելիություն որակյալ ինտերնետի կամ անգամ գադջեթների: Քանի դեռ այս ամենն ապահովված չէ յուրաքանչյուրի համար, հեռավար ուսուցման անցնելու գաղափարն իրագործվել չի կարող:
Այն, ինչ կյանքում պետք կգա
Ուսումնական առարկաների բովանդակությունը հաճախ քննադատության է ենթարկվում, և հիմնական արգումենտն այն է, որ անհնար է ստացված գիտելիքներն օգտագործել իրական կյանքում:
Ապագայի կրթության ևս մեկ կոնցեպցիա է այն առարկաներից առավելագույնս հրաժարումը, որոնք դժվար թե կիրառվեն առօրյա կյանքում: Շեշտը կդրվի առավել պրակտիկ առարկաների ուսումնասիրության վրա: