Tert.am-ը գրում է․
Մոլդովայի նորընտիր նախագահ Մայա Սանդուն հայտարարել է, որ դեկտեմբերի 24-ի երդմնակալությունից հետո արտաքին գործերի և եվրաինտեգրման նախարարության հետ կուսումնասիրի Եվրասիական տնտեսական միությունում Մոլդովայի դիտորդի կարգավիճակ ստանալու օրինականությունը։
Այս մասին նա հայտարարել է նախօրեին կայացած ճեպազրույցի ժամանակ՝ նշելով, որ երկիրն արդեն իսկ Անկախ Պետությունների Համագործակցության (ԱՊՀ) հետ ազատ առևտրի մասին պայմանագիր ունի, գրում է EADaily-ն։
«Ինձ համար այնքան էլ պարզ չէ՝ արդյո՞ք այդ որոշումը կայացնելիս պահպանվել են բոլոր ընթացակարգերը։ Նախագահի պաշտոնը ստանձնելուց հետո բանակցություններ կվարենք ԱԳՆ-ի հետ՝ հասկանալու համար, թե արդյոք դա օրինական է եղել»,- նշել է Սանդուն։
Նրա խոսքով՝ Մոլդովան բիզնես վարելու առումով խնդիրներ չունի ԱՊՀ-ի հետ։
«Միակ երկիրը, որի հետ մենք առևտրային խնդիրներ ունենք, Ռուսաստանն է։ Բայց դա պետք է լուծել երկկողմ ձևաչափով։ Եվ մենք կդիմենք, որպեսզի Մոլդովայի համար վերացվեն արտահանման սահմանափակումները»,- եզրափակել է Մայա Սանդուն:
Ամբողջական հոդվածը կարող եք կարդալ այստեղ։
