Analitik.am-ը գրում է․

Արցախում ծառայող մի խումբ զինծառայողների ծնողները ՊՆ-ի մոտ պահանջում են իրենց որդիներին բերել Հայաստան: Քիչ առաջ նրանք հանդիպում են ունեցել ՀՀ Պաշտպանության նախարար Վաղարշակ Հարությունյանի հետ, ով ասել է, որ նման բան հնարավոր չէ:

Ծնողները գոնե երաշխավորություն են ուզել, որ իրենց որդիներին այնտեղ վտանգ չի սպառնում, որ դիվերսիա չի կարող լինել: Նախարարն ասել է, որ տղաների անվտանգությունն ապահովված է:

«Սաղս էլ նախարարին, վարչապետին վստահում ենք, բայց թուրքի վրա վստահ չենք: Պաշտպանության նախարարը ոնց կարող է գարանտ կանգնել: Նախարարին մենք հարցրեցինք՝ թուրքի վրա գարանտ կանգնո՞ւմ ես, վստա՞հ ես, որ չի խփի, դիվերսիա չի լինի: Նա ասաց՝ ոչ, կարող ա Երևան էլ գա մտնի»,-ասաց հանդիպմանը մասնակցած ծնողներից մեկը:

Նախարարն ասել է՝ ծնողները չպետք է փորձեն գնալ բերել իրենց որդիներին, դա վատ հետևանքների կբերի:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել