Aysor.am-ը գրում է․
ԱԺ պատգամավոր Վարդան Աթաբեկյանը մինչ այժմ չգիտի, թե ինչ նպատակով էին իմքայլական պատգամավորներ Հակոբ Սիմիդյանը և Հայկ Սարգսյանը գնացել իրենց տուն։
«Մեր խմբակցությունից երկու պատգամավոր այդ օրը զանգել են ինձ, իրենց տրվել է պատասխան, թե ինչու եմ դուրս գալիս խմբակցությունից։ Այնպես որ, դրա համար պետք չէր իմ տուն գալ», - ասաց Աթաբեկյանը:
Դիտարկմանը, թե տեղեկություն կա, որ ընդիիմության ներկայացուցիչներն են իրեն համոզել, որ դադարեցնի անդամությունը «Իմ քայլը» խմբակցությանը, Վարդան Աթաբեկյանը պատասխանեց.
«Բացառված է այդպիսի բան լինի, նույնիսկ հիմա։ Իմ ականջին հասել է, որ իմ առանձնատուն հենց դրա համար էին եկել։ Լավ կլինի բացատրեն, թե որտեղից այդ կասկածները։ Լավ կլինի, որ Սիմիդյանը դա իր մտքից, ֆանտազիաներից հանի ու չտրվի ուրիշի խոսքերին։ Ինքը երկար տարիներ ինձ ու իմ ընտանիքին ճանաչում է, իսկ ով ինձ ճանաչում է, գիտի, որ կարող է ուղիղ խոսքով հարցնի, ուղիղ պատասխան ստանա։ Դրա համար պետք չէր գաղտնագողի գալ իմ առանձնատուն։ Լավ կլինի, որ այդ ծածկադմփոց անելուց դուրս գան ու հստակ պատասխանեն, թե ինչու էին եկել իմ տուն։ Ով ինձ ճանաչում է, գիտի, որ նման ձևով իմ տան վրա գալն իմ համար բացարձակ անընդունելի է» ։
Ամբողջական հոդվածը կարող եք կարդալ այստեղ։
