PanARMENIAN.Net -ը գրում է.
Եգիպտոսում Հայաստանի դեսպանԱրմեն Մելքոնյանը հանդիպում է ունեցել Ալեքսանդրիայի Պապ և Սուրբ Մարկոսի Աթոռի պատրիարք, Ղպտի Ուղղափառ Եկեղեցու առաջնորդ Ն.Ս. Թավադրոս Բ-ի հետ:
Թավադրոս Բ–ի` պատմական Վադի Նատրուն վանական համալիրի նստավայրում կայացած հանդիպմանը ներկա է եղել նաև Եգիպտոսի Հայ Կաթողիկե թեմի առաջնորդ Տ. Գրիգոր Օգոստինոս եպիսկոպոս Գուսանը:
Հանդիպման ընթացքում անդրադարձ է կատարվել հայ–եգիպտական ավանդական պատմա–մշակութային առնչություններին, ներկա փուլում Հայաստանի և Եգիպտոսի միջև տարաբնույթ համագործակցության զարգացման ընթացքին և հեռանկարներին, ինչպես նաև տարածաշրջանային մի շարք հարցերին:
Ղպտի ուղղափառ եկեղեցու հովվապետը իր եղբայրական ողջույններն է փոխանցել Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին:
Նյութի աղբյուր՝ http://www.panarmenian.net/arm/news/167257/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել