1in.am-ը գրում է.
Ամերիկյան Vanity Fair ամսագիրը հերթական անգամ հրապարակել է աշխարհի ամենաոճային մարդկանց ցուցակը: Արդեն չորրորդ անգամ ցուցակում հայտնվել է բրիտանական արքայազն Ուիլյամի կինը՝ անցած շաբաթ ծննդաբերած Քեմբրիջյան դքսուհի Քեյթը, գրում է newsru-ն:
Ինչպես նշում է պարբերականը, Քեյթը «ոճի մարմնացում» է համարում իր ամուսնու մորը՝ արքայադուստր Դիանային:
Որպես 2013 թ. դքսուհու ամենահիշվող հագուստ՝ պարբերականը նշել է Ալեքսանդր Մաքքուինի հեղինակած բաց վարդագույն շրջազգեստը և նույն գույնի գլխարկը, որը նա կրում էր Եղիսբեթ 2-րդ թագուհու ծննդյան առթիվ կազմակերպված շքերթի ժամանակ։
Vanity Fair-ի ցուցակում այս տարի հայտնվել են նաև Չինաստանի առաջին տիկին, Ժողովրդա-ազատագրական բանակի գեներալ-մայոր Պեն Լիյուանը, դերասանուհիներ Քերի Վաշինգtոնը, Շարլիզ Թերոնը, Բրուq Շիլդզը, երգիչներ Ջասթին Թիմբերլեյքը և Բեյոնսեն, մոդել Ժիզել Բունդհենը:
Բացի Քեմբրիջի դքսուհուց, ցուցակում են հայտնվել թագավորական ընտանիքների 2 այլ ներկայացուցիչներ՝ Իսպանիայի արքայադուստր Լետիսիան և Շվեդիայի արքայադուստր Մադլենը: