Tert.am-ը գրում է․
Իրանագետ Վարդան Ոսկանյանի տեղեկություններով` Իրանից ՀՀ անկախության տոնի առթիվ շնորհավորանք կլինի, բայց ինքնին այն ուշացնելն արդեն ուղերձ է պարունակում:
Նա Tert.am-ի հետ զրույցում նշեց, որ այդ երևույթը որոշակի անհանգստություն պետք է առաջացնի, որովհետև իրանցիներն ուղերձների դիվանագիտական քաղաքականության կողմնակիցն են, շատ հաճախ ուղերձների միջոցով են փորձում հասկանալի դարձնել իրենց դիրքորոշումը:
«Իրանի նախագահ Հասան Ռոհանիի կողմից Նիկոլ Փաշինյանին ուղղված շնորհավորանքի ուշացումն արդեն ուղերձ է: Այն պայմանավորված է կարևոր հանգամանքով` Իսրայելում դեսպանատան բացման և այլ գործընթացներով, որոնք Իրանում առաջացրել են որոշակի անհանգստություններ և նույնիսկ դժգոհություններ, ինչն արտահայտվում է տարբեր մակարդակներում»,- ասաց նա:
Վարդան Ոսկանյանի խոսքով` ինքը տեղյակ չէ, թե ինչ աշխատանքներ են իրականացրել ՀՀ պատկան մարմինները Իրանի հետ Իսրայելում ՀՀ դեսպանություն բացելու առթիվ առաջացած դժգոհությունը վերացնելու համար:
Ամբողջական հոդվածը կարող եք կարդալ այստեղ