Armeniasputnik.am-ը գրում է.
Տեղեկատվական անվտանգության փորձագետ Սամվել Մարտիրոսյանը Sputnik Արմենիայի եթերում անդրադարձել է կայքերից մեկում տեղադրվող ինքնասպանության իրական տեսանյութերի տարածման խնդրին։
Սամվել Մարտիրոսյանի դիտարկմամբ` ինչ–որ անհասկանալի մարդիկ անընդհատ նորից տեղադրում են նման տեսանյութեր, ինչը կարող է ընկալվել կա՛մ որպես «մանկական չարաճճիություն», կա՛մ որպես հոգեկան խանգարում ունեցող մարդկանց գործելաոճ, որի հիմքում անհասկանալի դրդապատճառներ են։ Սամվել Մարտիրոսյանը չի բացառում, որ դա կարող է լինել նաև TikTok-ին հարվածելու, վարկաբեկելու փորձ։
«Շատ դեպքերում նման բան անում են երեխաները։ Նրանց թվում կան նման հետաքրքրություն ունեցողներ, որոնց ուղղակի ձգում են արգելված երևույթները։ Կան նաև մարդիկ, ովքեր անառողջ հոգեբանությունից ելնելով, փորձում են ահաբեկել երեխաներին ու ազդել նրանց հոգեբանության վրա։ Որոշ դեպքերում նման կերպ իրականացվում են սոցիալական փորձարկումներ, մարդիկ ցանկանում են տեսնել, թե այս կամ այն տեղեկատվությունը ինչ լայնույթով կտարածվի, որքան արագ կտարածվի, որպեսզի սոցցանցերում հետագայում ունենան որոշակի ներգործություն»,– ասում է տեղեկատվական անվտանգության փորձագետը։
Ամբողջական հոդվածը կարող եք կարդալ այստեղ
