News.am-ը գրում է.
Հայաստանում չեն ապրում գոյատեւում են: Այս մասին այսօր`սեպտեմբերի 7-ին, Կառավարության դիմաց ասաց ՌԴ մեկնել ցանկացող քաղաքացի Լուսինե Գրիգորյանը, ով երկար ժամանակ է Հայաստանում է եւ չի կարողանում մեկնել ընտանիքի մոտ:
Նա նշում է, որ այստեղ անհնար է ապրել, գոնե օդային ճանապարհը բացեն, եթե չէ, թող թույլ տան ցամաքային ճանապարհով գնան:
Ակցիայի մասնակիցի խոսքով` եղել են դեպքերԻնչպես է, որ մարդը օրինական ճանապահրով մեքեն է վերցրել, դրանով հասել է Վլադիկավկազ, այնուհետեւ այնտեղից շարունակել է իր ճանապարհը. «Անուն չեմ կարող նշել: Այդ մասին նույնիսկ կառավարությունը գիտի, բոլորը գիտեն:
Ճանապարհները բաց են, մարդիկ կարողանում են գնալ»:
Քաղաքացին նշում է, որ եթե դեռ խնդրին լուծում չեն տալիս, ապա կառավարությունը պետք է իրեն տուն, աշխատանքով ապահովի որ նա կարողանա այսեղ ապրել. «Հայաստանում չեն ապրում գոյատեւում են:
Վարչապետը ասում էր վերադարձեք հայրենիք, վերադարձանք, ինչ եղավ, երեխեքին դպրոցներում սեռական դաստիարակություն սովորացնենք, եկեղեցու պատմությունը հանում սեռական դաստիարակություն է սովորացնում, դա է ճիշտը: Բերեց այստեղ, որ փակի սահմանները»,- ասաց նա:
Ակցիայի մասնակիցը նշեց, որ կմնա կառավարության շենքի դիմաց այնքան, մինչեւ իր հարցին լուծում կտրվի`ընդհուպ մինչեւ նստացույց, կամ հացադուլ:
Հիշեցնենք, որ արդեն մոտ 6 ամիս ՌԴ քաղաքացիներն, ինչպես նաև ՀՀ քաղաքացիություն ունեցող անձինք ցանկանում են մեկնել Հայաստանից և բողոքի ակցիա են իրականացնում փակ սահմանների համար, նրանք պահանջում են Հայաստանի Հանրապետության կառավարությունից քայլեր ձեռնարկել, որպեսզի նրանք կարողանան գնալ իրենց ընտանիքների մոտ, մյուսներն էլ արտագնա աշխատանքների մեկնեն:
