«Սիրո Խոստովանություն» այսպես էր կոչվում սեպտեմբերի 2-ի ներկայացումը Արա Երնջակյանի բեմադրմամբ, վերջապես հանդիսատեսը ունեցավ հնարավորություն կրկին վայելել սիրված դերասանների խաղը և ներկայացումները:
Blognews.am-ը նույնպես ներկա գտնվեց Կամերային թատրոնի բացօդյա հարթակում: Ամեն ինչ արված էր գեղեցիկ և հարմարավետ հանդիսատեսի համար, նաև կար գինու հյուրասիրություն Van Cat-ից, թեյ և սուրճ:
Մեզ հետ զրույցում կամերային թատրոնի տնօրեն և րեժիսոր Լուսինե Երնջակյանը նշեց.
«Այս միտքը իրականություն դարձավ ճարտարապետական համալսարանի շնորհիվ: Բացօդյա հարթակի ֆորմատը մեզ համար նոր է, վերջին պահին մենք ստացանք թույլատվություն և 6 ամիս հետո մենք իհարկե որոշեցինք այդ հնարավորությունից օգտվել, քանի որ կարոտը արդեն խեղդում էր և՛ դերասաններին, և՛ հանդիսատեսին, և՛ մեզ:
Դահլիճը վերանորոգել ենք ընդամենը մեկ շաբաթում, բավականին անհույս վիճակում էր տարածքը գտնվում, բայց այժմ վերածվել է բավականին հարմարավետ և հաճելի միջավայրի:
Մինչև սեպտեմբերի վերջ պլանավորում ենք շարունակել ներկայացումները, արդեն հստակ նշանակված մի քանի
ներկայացում ունենք՝ «Սիրո խոստովանություն», «Չկա տղամարդ, չկա պրոբլեմ», «Տղաները չափն անցնում են» և «Շոու համար 3» ներկայացումները, այնպես որ թատերասերները կարող են գալ և վայելել:
Նաև ցանկանում եմ նշել, որ մենք պահպանում ենք բոլոր անվտանգության կանոնները, սեղանները տեղադրված են իրարից հեռու, ամբողջը ախտահանվում է»:
Դերասան Ռաֆայել Երանոսյանը նշեց, որ հուզմունքը շատ էր և բոլորը կարոտով էին լցված:
«Բոլորս էինք հուզված, հանդիսատեսը նույնպես չգիտեր ինչպես դրսեվորել իրեն այսքան երկար դադարից հետո և ամբողջովին այլ միջավայրում: Ամբողջ ընթացքում մենք փործում էինք անել ամեն ինչ որպեսզի հանդիսատեսը չզգար Կամերային թատրոնի բացակայությունը և ջերմության պակասը, բայց միևնույնն է երբ չկա հանդիսատես և դու չես ստանում այդ ջերմությունը, այդ ամենը դառնում է արհեստական մի բան»:
Նյութը՝ Լիյա Մարուխյանի
Լուսանկարները՝ Դիանա Կարապետյանի
