Armsport.am-ը գրում է.
«Մալաքյաններ եղբայրների նկատմամբ կալանավորումը որպես խափանման միջոց կիրառելու մասին միջնորդությունները քննող դատական նիստերն այս պահին ընթացքի մեջ են»,-այս մասին ArmSport-ի հետ զրույցում ասաց եղբայրների փաստաբան Գոռ Միքայելյանը:
Փաստաբանը հայտնեց, որ եղբայրներից մեկի վերաբերյալ նիստն արդեն ավարտվել է և սպասում են վճռի հրապարակմանը, իսկ մյուսինն ընթացքի մեջ է:
Հարցին, թե որքանո՞վ է նա վստահ, որ սպասվող դատական պրոցեսում իրենց դիրքերն ամուր են և կարող է ապացուցել եղբայրների անմեղությունը, Միքայելյանն ասաց. «Այն, որ մեր դիրքերն ամուր են, համենայն դեպս, ես դրանում չեմ կասկածում, բայց թե ինչի կհասնենք՝ այս պահին չեմ կարող ասել»:
Հիշեցնենք, որ Էդգար և Գոռ Մալաքյանները երեկ ազատ արձակվեցին Երևան քաղաքի Ձերբակալվածների պահման վայրից, քանի որ ժամը 23:40-ին և 23:45-ին լրանում էր նրանց՝ անազատության մեջ գտնվելու առավելագույն ժամկետը։
Ամբողջական հոդվածը կարող եք կարդալ այստեղ;
