1in.am-ը գրում է.
Քաղաքապետարանի դիմաց գնալով իրավիճակը լարվում է: Հավաքվածները թեպետ կարողացան հանձնել իրենց նամակ-պահանջը, սակայն չեն հեռանում քաղաքապետարանի դիմացից:
Քիչ առաջ Երևանի փոխոստիկանապետ Վալերի Օսիպյանը բարձրախոսով դիմեց Գևորգ Սաֆարյանին՝ նշելով, որ ոստիկանությունը արդեն ավելի քան երկու տարի է՝ ճանաչում է նրան:
Օսիպյանի խոսքով՝ որտեղ հայտնվում է Գևորգը, այնտեղ իրականանում են սադրիչ գործողություններ: Տպավորությունն այնպիսին է, և հավաքվածներն էլ են խոսում այդ մասին, որ հնարավոր է՝ ոստիկանությունը բերման ենթարկի Գևորգ Սաֆարյանին:
Կտրուկ վատացել է հավաքվածներից մեկի ինքնազգացողությունը: Ոստիկանության պատի պատճառով մարդիկ ստիպված են իրար շատ մոտ կանգնել: Ինքնազգացողությունը վատացած աղջկան օգնություն ցուցաբերեց հրեշտակներից մեկը, և նրան ուղեկցեցին քաղաքապետարնի շենք, սակայն ետնամուտքից:
Հավաքվածները որոշում են կամ նստացույց անել, կամ երթ՝ դեպի ոստիկանության շենք: