1in.am-ը գրում է.
Չինաստանի կառավարությունը 277 մլրդ դոլար կծախսի օդի աղտոտվածության դեմ պայքարում, այդ թվում՝ ծանր արդյունաբերությունից կախվածության կրճատման համար, հայտնում է ITAR-TASS-ը:
Նման տվյալներ են պարունակվել Չինաստանի պետխորհրդի ընդունած «Օդի աղտոտվածության վերահսկողության ու կանխարգելման պլանում»:
Ինչպես այսօր գրել են տեղի ԶԼՄ-ները, միջոցների հիմնական մասը կուղղվի Պեկին, Տյանցզին ու Հեբեյ նահանգներում էկոլոգիական վիճակի բարելավմանը, որտեղ ավելի շատ է գրանցվել օդի աղտոտվածությունը:
Նոր պլանը ավելի խիստ չափանիշներ է սահմանում օդում պինդ մասնիկների պարունակության համար: Պեկինում մինչև 2017թ. դրանց ծավալը պետք է չգերազանցի 1 խորանարդ մետրում 60 միկրոգրամը:
Շանհայում ու Տյանցզինում իշխանությունները մտադիր են մինչև 2017թ. մթնոլորտ արտազատվող նյութերի քանակը կրճատել 20 տոկոսով: