Արքայազն Հարրին ու Մեգան Մարքլը հայտնվել են սկանդալի կենտրոնում, որովհետև շարունակում են օգտագործել թագի խորհրդանշանը: Եվ դա այն դեպքում, երբ հրաժարվել էին թագավորական ընտանիքի ավագ անդամների պարտականություններից, և Էղիսաբեթ Երկրորդն իր հրամանով նրանց արգելել էր կրել թագավորական տիտղոսներ, իրենց կարգավիճակն ընդգծելու համար «royal» բառը կիրառել, և այլն: Այդ մասին գրում է Daily Mail-ը:
Օրերս «Street Games» սպորտային բարեգործական ընկերությունը «Թվիթերի» միկրոբլոգում հրապարակել էր իրեն հասցեագված նամակ՝ դքսերից: Նամակը պարզապես ստորագրված էր «Հարրի և Մեգան»՝ առանց թագավորական տիտղոսի: Բայց օգտատերերը ուշադրություն են դարձրել միացագրում թագի օգտագործմանը:
Բրիտանացիները դա համարել են թագուհու պահանջների և թագավորական ընտանիքի վարքականոնի խախտում:
«Չկան թագավորական պարտականություններ՝ չկա թագ»,- եզրափակել են «Թվիթեր»-ի օգտատերերը:
