The Sun պարբերականի լրագրողները պարզել են, թե ամսական որքան գումար են ծախսում Քարդաշյան քույրերն իրենց արտաքինի վրա: Պարզվել է, որ նրանք ամենևին չեն խնայում իրենց վրա:

«Ամենաթանկարժեքը» Քիմն է: Նա ամսական իր արտաքինի վրա ծախսում է 130.000 ֆունտ ստեռլինգ: Այդ գումարի մեծ մասը վճարում է անձնական ֆիտնես մարզչին, Քիմը մարզվում է շաբաթական 6 օր 2-ական ժամով:

Արհեստական արևայրուքի և կոսմետոլոգիական պրոցեդուրաների վրա ծախսում է 270 ֆունտ ստեռլինգ: 1.500 ֆունտ սթետլինգ վճարում է անձնական վարսահարդարին և դիմահարդարին: 10 օրը մեկ 400 ֆունտ ստեռլինգ վճարում է մատնահարդարման և ոտնահարդարման համար:

Հոնքերը կարգի է բերում ամսական 1000 ֆունտ ստեռլինգով։

114 հազար ֆունտ ստեռլինգ ծախսում է Քիմի քույրը՝ Քլոեն: Կրկին գումարի մեծ մասը վճարվում է անձնական մարզչին: 800 ֆունտ ստեռլինգ վճարում է մաշկի խնամքի, 2000 ֆունտ ստեռլինգ՝ դիմահարդարման և 1000՝ վարսահարդարման և կեղծամների  համար:

Քայլի Ջեներն ամսական 111.000 ֆունտ ստեռլինգ է ծախսում իր արտաքինը կարգի բերելու համար: Ոճաբանը և վարսահարդարը մեկ այցելության համար ստանում են 1.500 ֆունտ ստեռլինգ:

Մազերի արհեստական երկարացման համար Քայլին վճարում է 6.000 ֆունտ ստեռլինգ: Պլաստիկ վիրահատություններն էլ իրենց հերթին արժեցել են 30.000 ֆունտ ստեռլինգ:

Քորթնի Քարդաշյանը  ամենաավագն է և ամենաքիչն է ծախսում իր արտաքինի վրա: 41 տարեկան Քորթնին չի խնայում ո՛չ մաշկի, ո՛չ մազերի, ո՛չ էլ անհատական մարզչի ծախսերի համար: Բայց գումարի կոնկրետ չափը պարբերականը չի նշում:

Քենդալ Ջեններն ամենակրտսերն է։ 24 տարեկան աստղը 15.000 ֆունտ ստեռլինգ վճարում է անձնական մարզչին, 800 ֆունտ ստեռլինգ՝ ոճաբաններին:  
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել