Tert.amLife-ը գրում է
Հաղորդավար, երգիչ Վարդան Սարգսյանը, ով անցած տարի կազմակերպել էր հնդկահայկական համերգ ու հնդիկ հայտնի դերասաններին հրավիրել Հայաստան, բազմիցս խոսել է դերասանուհի Ռաշամի Դեսայի հետ մտերմության մասին, սակայն վերջերս նա իր ինստագրամյան էջում տեղեկացրել էր, որ վերջինս Ինստագրամում այլևս չի հետևում իրեն։
Tert.am Life-ի հետ զրույցում Վարդանն ասաց, որ ցանկություն է ունեցել նկարահանել «Աղջիկները շատ տարբեր են» հոլովակի շարունակությունը, որի երկրորդ մասում ևս պետք է նկարահանվեր Ռաշամի Դեսային:
«Երբ Ռաշամին Հայաստանում էր, առաջարկել էի նրան, սիրով համաձայնել էր: Հիմա նա ունի նոր պրոդյուսեր, ով զբաղվում է նրա պաշտոնական էջերով,- ասաց Վարդանն ու պարզաբանեց, որ իրենց միջև որևէ խնդիր չի եղել։ -Օրեր առաջ նկատեցի, որ Ռաշամին ինձ չի հետևում ինստագրամում, ինչից զարմացա: Ինստագրամում հրապարակում արեցի` գրելով, որ չեմ հասկացել` ինչու ինձ չի հետևում: Իր հայ և հնդիկ երկրպագուներից շատերն արձագանքեցին, բայց Ռաշամիի կողմից արձագանք չեղավ: Անկեղծ ասած, արձագանքի չեմ էլ սպասում»:
Ամբողջական հոդվածը կարող եք կարդալ այստեղ
