Ermenihaber.am-ը գրում է․

Թուրքիայի ու Ադրբեջանի միջև 2020-ի փետրվարի 25-ին Բաքվում կնքված վիզային ռեժիմի չեղարկման համաձայնագիրը թուրքական կողմի հաստատումից հետո ուժի մեջ է մտել։ Այս մասին գրում է «T24»-ը՝ հղում անելով Թուրքիայի կառավարության պաշտոնաթերթում հրապարակված նախագահ Ռեջեփ Թայիփ Էրդողանի՝ համաձայնագիրը գործողության մեջ դնելու մասին համապատասխան հրամանին։ 

Նշվում է, որ Թուրքիայի քաղաքացիները Ադրբեջանում և Ադրբեջանի քաղաքացիները Թուրքիայում կկարողանան առանց վիզայի գտնվել 90 օր։ Նախկինում այդ ժամանակահատվածը 30 օր էր՝ ընդ որում վիզա ձեռք բերելու պայմանով։ 

90 օրից ավել մնալու դեպքում 2 երկրների քաղաքացիներին էլ անհրաժեշտ կլինի կացության թույլտվություն ստանալ, ինչի համար Թուրքիայում պարտադիր պայման է աշխատանքի իրավունք ստանալը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել