Ամերիկացի հայտնի երգչուհի Բիլլի Այլիշը դատական հայց է ներկայացրել երկրպագուի դեմ, ով խախտել էր սոցիալական հեռավորությունը: Այս մասին հաղորդել է TMZ-ն:

Երգչուհուն հաջողվել է ձեռք բերել այնպիսի դատական արգելք, որն արգելել է 24-ամյա երկրպագու Պրենելա Ռուսոյին մոտենալ իր տանը: Նշվում է, որ երկրպագուն բազմից է մոտ գնացել Այլիշի տանը առանց դիմակի և ձեռնոցների:

Երկրպագուն աստղի հայրիկին հարցրել է՝ արդյոք այդտեղ է բնակվում Բիլլի Այլիշը, այնուհետև նստել է տան շեմքին և սկսել է գիրք կարդալ՝ հրաժարվելով լքել տարածքը:

Աղբյուրի փոխանցմամբ՝ երկրպագուին տարածքից հեռացրել են անվտանգության աշխատակիցները, սակայն նա կրկին վերադարձել է:

Բիլլի Այլիշի խոսքով՝ Ռուսոն եկել է իր տան մոտ 7 անգամ:

Նախկինում երկրպագուին ձերբակալել են 2 անգամ, սակայն չէին կարողացել պատասխանատվության ենթարկել, պատճառը քրեակատարողական հիմնարկներում կորոնավիրուսով պայմանավորված սահմանափակումներն են: Արդյունքում տղամարդուն պարզապես տուն են ուղարկել:

Երգչուհին և իր ընտանիքն անհանգստանում են, որ երկրպագուն կարող է վերադառնալ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել