Armsport.am-ը գրում է․

Կատալոնական «Բարսելոնայի» ղեկավարությունն առաջարկ է արել Միլանի «Ինտերին»՝ հարձակվող Լաուտարո Մարտինեսի տրանսֆերի շուրջ: Այս մասին հայտնում է La Gazzetta dello Sport-ը:

Գործարքի նոր տարբերակն իր մեջ 80 մլն եվրո է ներառում և 3 պաշտպանի՝ Նելսոն Սեմեդուին, Խունիոր Ֆիրպոյին և Ժան-Կլեր Տոդիբոյին: Իտալական թիմի ղեկավարները չեն համաձայնել այս պայմաններին. ակումբը կապտանռնագույններից 111 մլն եվրո է պահանջում որպես հրաժարագին: Հենց այդքան գումար է նշված 22-ամյա արգենտինացու պայմանագրում:

Հիմա ամեն ինչ տանում է նրան, որ Մարտինեսը ևս մեկ մրցաշրջան կմնա «Ինտերում»: Իտալական թիմի ղեկավարության կարծիքով, ևս մեկ մրցաշրջան անցկացնելով Անտոնիո Կոնտեի գլխավորությամբ՝ Մարտինեսն իրեն լավագույնս կդրսևորի և կբարձրացնի իր տրանսֆերային արժեքը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել