ՌԴ-ում իմ հանդիպումների ընթացքում աջողվեց որոշ տվյալներ ստանալ մոսկովյան ողբերգության մասնակից հայ վարորդի անվան շուրջ ծավալվող աղմուկի պատճառների մասին: Ռուսաստանը հսկայական երկիր է և նմանատիպ պատահարները հազվադեպ երևույթ չեն, սակայն ՌԴ պետդումայում այս պահին քննարկման մեջ է օրենքի նախագիծ, որով արգելվելու է ոչ ռուսական վարորդական իրավունք ունեցող անձանց ներգրավել աշխատանքի ՌԴ տարածքում: Օրենքը վերաբերվելու է միայն այն անձանց, ովքեր որպես վարորդ աշխատում են որևէ կազմակերպությունում, իսկ մյուս քաղաքացիները, որոնք իրենց մեքենաներով այցելելու են ՌԴ տարածք` վարորդական իրավունքի վկայականի փոփոխության խնդիր չեն ունենա: Օրենքի նախագծի հեղինակները գիտակցել են, որ այս նախագիծը լուրջ հակազդեցություն կառաջացնի ոչ միայն այլ երկրներից աշխատելու ժամանած այլազգիների, այլ նաև ռուս բիզնեսմենների մոտ, քանի որ անգամ այսպիսի ահռելի աշխատանքային ներհոսքի պայմաններում Ռուսաստանում որակյալ աշխատուժի լուրջ պակաս կա: Այդ հակազդեցությունը չեզոքացնելու համար ռուսական լրատվամիջոցներին պատվիրվել է պատեհ առիթ լինելու դեպքում հիմնավորել այլազգիների համար սահմանափակումներ մտցնելու անհրաժեշտությունը, որն էլ արվեց հայ վարորդի մասնակցությամբ ողբերգական միջադեպի լուսաբանման ֆոնին` վերաճելով, սակայն, շովինիստական քարոզչական արշավի:
Այժմ անգամ շրջանառվում է գումարի չափը, որ պետք է տրվի որպես կաշառք` վարորդական իրավունքի վկայականի "ռուսաֆիկացման" համար` շուրջ 10 000 ռուբլի (120000-130000 դրամ): Պատկերացնում եք ռուս չինովնիկների քսակները ինչպիսի ահռելի գումարներով են համալրվելու:
Ահա թե որտեղ է թաղված շան գլուխը...
