Aysor.am-ը գրում է.
Բերանի խոռոչը հարուստ է միկրոօրգանիզմներով, որոնք կայուն հաստատվում են ատամների, լնդերի, լեզվի վրա:
S. Mutans և P. Gingivitis կոչվող մանրէները արտադրում են նեխիչ թեթևաշարժ ծծմբային նյութ, որի հետևանքով առաջանում է բերանի տհաճ հոտը:
Հոտն առաջանում է նաև լնդերի բորբոքային հիվանդությունների ժամանակ, երբ բակտերիաները ակտիվ բազմանում են լնդերի տակ՝ քայքայելով սննդի մնացորդները, արյունը: Բացի լնդերից, մանրէները կուտակվում են նաև լեզվի հիմքում:
Համընդհանուր սխալ պատկերացում կա, թե տհաճ հոտը գալիս է ստամոքսից: Հոտի առկայության դեպքերի միայն չնչին տոկոսն է ստամոքսային և մարսողական խնդիրների հետևանք, մինչդեռ ճնշող մեծամասնությունը առաջանում է հենց կեղտոտ լեզվի հետևանքով:
Այդ իսկ պատճառով հիգիենան պետք է պահպանել` մաքրելով նաև լեզվի ողջ մակերեսը:
Տհաճ հոտը ավելի ցայտուն է առավոտյան, քանի որ գիշերը դադարում է թքարտադրությունը և թուլանում է բնական պաշտպանությունը մանրէներից:
Այնպես որ, երեկոյան ատամները հարկավոր է լվանալ ավելի ջանասիրաբար:
Ատամները խոզանակով մաքրելուց բացի, կա բերանի հիգիենայի երկու ձև՝ ֆլոսերի օգտագործումը (ատամի թելեր) և լեզվի մաքրումը:
Առողջ և թարմ շնչառություն ունենալու համար, առնվազն պետք է օրը երկու անգամ խնամքով և ճիշտ մաքրել բերանի խոռոչն ամբողջությամբ: