Ermenihaber.am-ը գրում է․

Դեռևս անհայտ հանգամանքներում անհայտ անձինք վնասել են Թուրքիայի Հաթայ նահանգի Ռեյհանլը շրջանում գտնվող դպրոցի բակում տեղադրված Մուստաֆա Քեմալ Աթաթուրքի կիսանդրին։ Վերջինս Թուրքիայի Հարնապետության հիմնադիրն է ու առաջին նախագահը։

Օսման Գազի անունը կրող դպրոցի բակում Աթաթուրքի կիսանդրին տեղադրված է եղել մի պատվանդանի վրա, որին գրված է․ «Աշխարհի լավագույն ուղեցույցը գիտությունն է»։

Դեպքի մասին հայտնի է դարձել այն ժամանակ, երբ տեղի բնակիչներից մեկը հեռախոսով լուսանկարել և սոցիալական ցանցերում տարածել է կոտրված կիսանդրու լուսանկարը։ Ինչպես երևում է նկարներից, Աթաթուրքի կիսանդրին «գլխատվել է», գլուխը մի կողմ է նետվել։ Դեպքի առթիվ քննություն է սկսվել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել