Մոսկվայում խայտառակ իրավիճակ է։ Մեր հայրենակիցները չեն կարողանում վերադառնալ Հայաստան։ Ինձ գրում են այնտեղից մեր հայրենակիցները, որ Մոսկվա Երևան թռիչքի իրական արժեքը 2900-3500 ռուբլի է։ Սակայն ՀՀ դեսպանատունը, որպես օգնություն, կազմակերպել է նրանց փոխադրման հարցը, բայց թռիչքի արժեքը սահմանվել է 16000 ռուբլի, որը և անելանելի վիճակի մեջ է դրել վերադարձողներին։ Մարդիկ խուճապի մեջ են, ոչ գումար ունեն, որ այնտեղ մնան, ոչ էլ կարողանում են վերադառնալ։
Այսպես է գրում մեր հայրենակիցը։
«Իբր սա օգնությունն ա՞, սա խայտառակություն ա, թքած ունեն ՀՀ քաղաքացու վրա, մարդիկ կան նոր էին եկել խոպան, մարդիկ կան զոռով ընտանիք են պահում, էս գինը որտեղից՞ որոշեցին։ Ինքս մեն մենակ եմ աշխատում, տուն վարձում, ընտանիք պահում, քույրիկիս էլ էի բերել ստե, իբր հանգստանար։ Հիմա տոմս պետք է առնեմ, 7 տոմս առնելը հեշտ ա? Երկու ամսվա տան վարձ եմ տվել ու անորոշ ժամանակով նստել տունը։ Եթե էժան լիներ գոնե ընտանիքիս կուղղարկեի Հայաստան։ Գոնե երկու անգամ թանգ լիներ, հասկանաինք, ասենք 7000։ Բայց 16000ը դա թալանա։ Իսկ Երեվանում այդ տոմսն արժի 110 000դրամ, եթե այդտեղից գնեն»։
Նաև ավելացնում են, որ մեկուսացումից հետո գնալու են նստեն դեսպանատան առջև, եթե հարցը չկարգավորվի։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել