1in.am-ը գրում է․
Պանամայի իշխանությունները փորձում են առավելագույն ձևով սահմանափակել երկրում սոցիալական կապերը՝ պայմանավորված կորոնավիրուսի տարածմամբ: Deutsche Welle-ի տեղեկություններով, երկրում արձանագրվում են կարանտինի ռեժիմի մեծ թվով խախտումներ:
Նոր սահմանափակումների համաձայն, տղամարդկանց և կանանց արգելվում է իրենց տները լքել միևնույն օրը: Այս սահմանափակումը երկրում ուժի մեջ է մտել ապրիլի 1-ից: Ղեկավարությունը նման որոշում է կայացրել՝ հիմք ընդունելով կարանտինային ռեժիմի խախտումների վիճակագրությունը:
Պանամայի նախագահ Լաուրենտինո Կորտիսոն մտցրել է տեղաշարժի սահմանափակման կանոններ մարտի 25-ից անորոշ ժամանակով: Ըստ դրանց՝ երկրի բնակիչներին օրվա մեջ, առավոտյան 06.30-ից մինչև 19:30-ն ընկած ժամանակահատվածում, հատկացվում է երկու ժամ կենսական նշանակության ապրանքներ գնելու համար:
