1in.am-ը գրում է.
Հայաստանի Փաստաբանների պալատը դատապարտում է ՀՀ քաղաքացի Հրաչյա Հարությունյանին ՌԴ դատարանում ստորացուցիչ կերպով ներկայացնելը:
Այս մասին Մեդիամաքս-ի հետ զրույցում ասել է Փաստաբանների պալատի նախագահ Ռուբեն Սահակյանը:
Ցավակցություն հայտնելով դժբախտ պատահարի զոհերի հարազատներին՝ Ռուբեն Սահակյանը միաժամանակ նշել է, որ համապատասխան ֆինանսական միջոցների առկայության դեպքում Փաստաբանների պալատը պատրաստ է Մոսկվա գործուղել փորձառու փաստաբանի, ով կիրականացնի Հրաչյա Հարությունյանի պաշտպանությունը:
Ռուբեն Սահակյանն ավելացրել է, որ Փաստաբանների պալատը պատրաստ է նաև հեռակա իրավախորհրդատվություն իրականացնել, եթե նման անհրաժեշտություն լինի:
Հուլիսի 13-ին մանրաքար տեղափոխող բեռնատարը, որի ղեկին եղել է Հրաչյա Հարությունյանը, դուրս գալով երկրորդական ճանապարհից, բախվել է մարդատար ավտոբուսին, որի հետևանքով զոհվել է 18 մարդ: