Վրաստանի իշխանությունները հրաժարվել են նախկին նախագահ Միխեիլ Սահակաշվիլիի օգնությունից՝ այլ երկրներից երկրի քաղաքացիներին հայրենիք վերադարձնելու գործում՝ կորոնավիրուսի պանդեմիայի ֆոնին: Այս մասին հաղորդել է «ՌԻԱ Նովոստին»՝ «Վրացական երազանք» կուսակցության գլխավոր քարտուղար Կախա Կալաձեին հղումով:
Ավելի վաղ Սահակաշվիլին հայտարարել էր, որ օգնություն կառաջարկի Վրաստանի քաղաքացիներին եվրոպական երկրներից հայրենիք վերադարձնելու հարցում: Նա նշել է, որ կարող է անվճար Վրաստան հասցնել մինչև հազար քաղաքացու:
Կալաձեի խոսքով, Վրաստանի իշխանություններն արդեն իսկ քայլեր են ձեռնարկել քաղաքացիների հայրենիք վերադարձը կազմակերպելու ուղղությամբ:
«Մեր միակ խնդրանքը Սահակաշվիլիին՝ դադարեցնել վնասելը»,- հավելել է նա:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել