Եկեք այս կարանտինի մեջ դրական կողմեր փնտրենք: Շատերի համար ինքնամեկուսացումը կարող է լինել այնպիսի բան անելու հնարավորություն, որի համար նախկինում բավարար ժամանակ չունեին: Այժմ գոնե կարող ենք զբաղվել դեմքի մաշկի բարելավմամբ:
5 օգտակար խորհուրդ, որոնք կարող են օգնել բարելավել մաշկի որակը առանց տնից դուրս գալու
Հրաժարվեք դիմահարդարումից
Եթե ձեր ընկերությունը բոլոր աշխատակիցներին տեղափոխում է տնից հեռակա աշխատանքի, սա հիանալի ժամանակ է որոշ ժամանակ հրաժարվելու դիմահարդարումից և ձեր մաշկին մի փոքր հանգիստ տալու: Իհարկե, ժամանակակից գեղեցկության արտադրանքները չեն խցանում ծակոտիները, բայց դեռ պետք է պարբերաբար դադար վերցնել կոսմետիկայի օգտագործումից:
Մաքրեք մաշկը
Ոչ մի դեպքում չպետք է բաց թողնեք մաքրման փուլը: Պարզապես ձեր դեմքը ջրով լվանալը բավարար չէ: Օրվա և գիշերվա ընթացքում մաշկի վրա հայտնվում են sebum (մաշկային ճարպեր) մասնիկներ, որոնք անհրաժեշտ է հեռացնել փափուկ գելով կամ փրփուրով:
Ավելացրեք խորը մաքրում
Դա անելու համար կան տարբեր հարմարանքներ, բայց պետք է օգտագործեք այս մեթոդը ոչ ավելի, քան շաբաթական 1-2 անգամ, հակառակ դեպքում մաշկը լիպիդային շերտը վերականգնելու ժամանակ չի ունենա, և կստանաք մաշկի գրգռում կամ բորբոքում:
Ճիշտ խնամեք մաշկը
Առավոտյան և երեկոյան
Լվանալուց հետո օգտագործեք տոնիկ` վերականգնելու մաշկի հիմնաթթվային հավասարակշռությունը: Դրանից հետո օգտագործեք շիճուկ. եթե դեմքի վրա առկա են տեսանելի թերություններ, ապա ձեզ համար հարմար է խտանյութ, որը լուծում է հատուկ խնդիր (պզուկներ, պիգմենտացիա, տարիքի հետ կապված փոփոխություններ և այլն): Մնացած բոլոր դեպքերում խոնավեցնող շիճուկը ուժեղացնում է ձեր վերջնական կրեմի գործողությունը:
Դեմքի դիմակներ դրեք
Լրացուցիչ խնամք, որը կարելի է կատարել շաբաթական 2-3 անգամ: Կավ, ալգինատ, սերուցք, գել․ շատ տարբերակներ կան: Հիմնական բանը ձեր մաշկի տեսակին համապատասխան դիմակ ընտրելն ու ճիշտ նույնքան ժամանակ պահելն է, ինչպես նշված է փաթեթում: Միայն այս կերպ կարող եք լավ արդյունքի հասնել: Ի դեպ, եթե լոգանք ընդունելիս դիմակ եք պատրաստում, էֆեկտը նույնիսկ ավելի լավ կլինի. արտադրանքի ակտիվ բաղադրիչները կարող են մաշկի մեջ ներթափանցել (բացառությամբ կավե և ալգինատե դիմակների):
