Ժամանակն է հրաժարվելու եղունգները բերանը մտցնելու սովորությունից, ինչը առողջության համար շատ տհաճ հետևանքներ է ունենում: Մասնագետները նշում են, որ կորոնավիրուսով վարակվելու ամենահեշտ ձևն է:
Ալերգիաների և վարակիչ հիվանդությունների բնագավառում հայտնի մասնագետ, Նյու Յորքի համալսարանի Լանգոն բժշկական կենտրոնի դոկտոր Պուրվի Փարիխը խորհուրդ է տալիս մարդկանց հրաժարվել եղունգները բերանը մտցնելու սովորությունից: Դա էապես մեծացնում է կորոնավիրուսով վարակվելու ռիսկը:
Եղունգների տակ կուտակվում են տարբեր տեսակի մանրէներ, վիրուսներ և կեղտեր, որտեղից նրանք կարող են մուտք գործել մարդու օրգանիզմ բերանի միջոցով: Նման վարակի վտանգը հատկապես մեծ է, եթե մարդիկ հաճախ չեն լվանում իրենց ձեռքերը: Երբ մարդը դիպչում է դեմքին և հատկապես բերանին, քթին կամ աչքին, մանրէները փոխանցվում են շատ արագ:
«Մենք կոչ ենք անում բոլոր բուժաշխատողներին կարճացնել եղունգները, քանի որ եղունգների տակ կան բազմաթիվ մանրէներ,- ասում է բժիշկ Փարիխը:- Եվ ամեն անգամ, երբ դիպչես քո դեմքին, հատկապես բերանին, քթին և աչքերին, բերում ես մանրէներ ու հեշտությամբ կարող ես հիվանդանալ»:
Այսօր ամբողջ մարդկությունը զգուշորեն խոսում է կորոնավիրուսի մասին, որն ունի բաշխման նույն մեխանիզմները, և սա լրացուցիչ փաստարկ է՝ հօգուտ ձեր եղունգները բերանի մեջ մտցնելու վատ սովորությունից հրաժարվելուն: Դժբախտաբար, նրա զոհերից շատերը նույնիսկ տեղյակ չեն խնդրի մասին և անգիտակցաբար կրծում են եղունգները:
Եթե նկատել եք այս կախվածությունը, բայց չեք կարող հրաժարվել դրանից, սկսեք ձեռնոցներ կրել:
Մաստակը կամ մատների հատուկ ռետինե կապանքները կօգնեն շեղել եղունգները կրծելու ցանկությունից: