Երբեմն բնությունն անակնկալներ է մատուցում, երբ դրանց ընդհանրապես չենք սպասում: Դա հենց այն է, ինչ պատահել է նիգերիացի զույգի՝ Անգելայի և Բեն Իեկբորոյի հետ: Ընտանիքն արդեն ուներ երկու երեխա, ծնողները սպասում էին երրորդին: Պատկերացրեք նրանց զարմանքը, երբ աղջիկը ծնվել է բացարձակապես «ձյան նման սպիտակ». երեխան ուներ բաց մաշկ և մազեր:
Գեղեցիկ երեխային անվանեցին Նմաչի, որը թարգմանվում է որպես «Աստծո կողմից տրված գեղեցկություն»: Ընտանիքի հայրը զարմացավ, բայց չկասկածեց կնոջը. նա բացարձակապես վստահ էր նրա հավատարմությանը: Ավելին, եթե տրամաբանորեն մտածում եք, ապա նույնիսկ սպիտակ տղամարդուց Անգելան պետք է որ մուլատ ծներ, իսկ Նմաչին շատ սպիտակ է: Բժիշկները նույնպես տարակուսել են տեղի ունեցածից, նրանք անցկացրել են թեստեր և հայտնաբերել են հազվագյուտ գենետիկական փոփոխություն, ինչը երեխայի մաշկի գույնի փոփոխություն է առաջացրել:
Աֆրոամերիկյան մեկ այլ զույգ էլ է բնությունից նման անակնկալ ստացել: Արլետն ու Ֆրանցիսկոսը երկրորդ երեխա ունեին, բայց, ի տարբերություն առաջինի, նա սպիտակ էր, ինչպես Նմաչին: Լինելով շեկ՝ տղան ուներ նեգրոիդ ռասային բնորոշ դեմքի հատկություններ, ինչպես ծնողները: Սկզբում Ֆրանցիսկոսը զարմացավ և իր մեջ ենթադրություն արեց կնոջ այլ կապի մասին, բայց հետո նա ներողություն խնդրեց և ասաց, որ չի կասկածում Արլետի հավատարմությանը: Բացի այդ, նա հիշեց ընտանեկան հին լեգենդն այն մասին, թե ինչպես է իր մեծ տատը սպիտակ աղջկա լույս աշխարհ բերել:
Ըստ բժիշկների՝ անիրատեսական է կանխատեսել, թե աֆրոամերիկացիներից ո՞ր մեկն է ունենալու սպիտակամաշկ երեխա: Այս գենետիկական խախտումը չի բացահայտվում հղիության ընթացքում: Նման մարդիկ կոչվում են ալբինոսներ: Ալբինիզմ ունեցող մարդիկ ունեն սպիտակ մաշկ և մազեր, իսկ աչքերը կարող են լինել բաց մոխրագույն, կապույտ կամ ամբողջովին անգույն, երբ մազանոթները փայլում են, և աչքերը կարմիր են թվում: Պատճառը մելանինի բացակայությունն է՝ գունանյութի, որը պատասխանատու է մաշկը, մազերը երանգավորելու համար: Միջին հաշվով յուրաքանչյուր 3000 նորածին երեխայից 1-ն ունի գենետիկ շեղում և սպիտակ մաշկ:
