1in.am-ը գրում է.
Մարդը ռոմանտիկ հարաբերություններում խանդի պատճառով աստիճանաբար ընդունում է իր հակառակորդի բնավորության գծերն ու շարժումները՝ պարզել են ամերիկացի գիտնականները: Այս մասին հաղորդում է GlobalScience-ը:
Վիլանովայի համալսարանի հոգեբան Էրիկա Սլոտերի ղեկավարությամբ անցկացված հետազոտությանը մասնակցել են 144 կին և տղամարդ, որոնք այդ ժամանակ ռոմանտիկ հարաբերություններ են ունեցել:
Մասնակիցները նախ գնահատել են իրենց կարողությունները տարբեր ոլորտներում:
Հոգեբանները սկսել են փորձի ժամանակ հետևել, թե ինչպես է սկսում մարդը փոխել իր մասին կարծիքը, երբ դիմացինը սկսում է բացահայտ հետաքրքրություն ցուցաբերել ինչ-որ մեկի նկատմամբ, կամ եթե այդ ինչ-որ մեկն է սկսում հետաքրքրություն ցուցաբերել իր կողակցի նկատմամբ:
Ընդ որում՝ կամավորները նկարագրել են այդ երրորդ դեմքին բնորոշ գծերը:
Հետազոտողները պարզել են, որ խանդը մարդկանց ստիպում է իրենց այլ կերպ վերաբերվել, նրանք ձգտում են նմանվել իրենց հակառակորդին:
Նման ռեակցիան, ամենայն հավանականությամբ, ենթագիտակցորեն առաջանում է իր կողակցին ամեն գնով իր կողքին պահելու ձգտմամբ:
