Tert.am-ը գրում է.
Նիկոլ Փաշինյանի՝ Բրյուսել կատարած այցն ուղիղ կապ ուներ ապրիլի 5-ին կայանալիք հանրաքվեի հետ: Այդ մասին «Հայացք Երևանից. Երկրագունդ» հաղորդման շրջանակներում ասել է «Եվրոպական ինտեգրացիա» ՀԿ նախագահ Նաիրա Կարապետյանը:
«Այցն ուղիղ կապ ուներ նախատեսվելիք հանրաքվեի հետ: Սա փորձ էր՝ մեղմելու գնահատականը, ավելի մանրամասն ներկայացնելու իշխանության մոտեցումը, քանի որ ի սկզբանե եվրոպական կառույցների և գործընկերների արձագանքը ՍԴ նկատմամբ իշխանության նախաձեռնած քայլերին շատ հստակ է եղել»,- ասել է նա:
Կարապետյանը մտավախություն է հայտնել, որ այցը կարող էր նաև կապված լինել Եվրամիության հետ գործարքների կամ պայմանավորվածությունների գնալու մտադրության հետ՝ «որպեսզի հանրաքվեի կայանալու և դրական արդյունք ստանալու դեպքում արձագանքը չլինի շատ կոշտ»:
Նա հիշեցրել է, որ մինչ այս թե՛ Վենետիկի հանձնաժողովի նախագահը, թե՛ ԵԽԽՎ համազեկուցողները իրենց մտահոգություններն են արտահայտել ՍԴ դատավորների նկատմամբ ծավալվող գործընթացի վերաբերյալ:
Ամբողջական հոդվածը կարող եք կարդալ այստեղ
