Tert.am-ը գրում է.

Ֆրանսիայի նախագահ Ֆրանսուա Օլանդը կիրակի հանրությանն է ներկայացրել երկրի գլխավոր փոստային նամականիշը՝ Ֆրանսիայի Հանրապետության թարմացված խորհրդանիշով. Մարիաննան, որի ստեղծման համար նախատիպ է հանդիսացել Femen շարժման առաջնորդ Իննա Շևչենկոն, գրում է Обозреватель-ը։

Մարիաննայի նոր պատկերով նամականիշը ստեղծել են 33-ամյա Օլիվյե Սիապան և 30-ամյա Դավիթ Քավենան։

«Մենք ցանկանում էինք, որպեսզի այս կերպարը միջազգային լինի, այդ պատճառով էլ Մարիաննայի ձեռքերը պատկերել ենք Վերածննդի դարաշրջանի ռեալիզմի ոգով, իսկ աչքերում ժամանակակից ֆրանսիական կոմիքսների, 1980-ական թթ. ասիական «մանգայի» և 1950-ական թթ. ամերիկյան անիմացիայի ռեալիզմն է»,- բացատրել են աշխատանքի հեղինակները։

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել