Pastinfo.am-ը գրում է․
Կան երկու ձերբակալված անձ և բազմաթիվ բերման ենթարկված անձինք։ Այս մասին լրագրողների հետ զրույցում ասաց Արամ Վարդանյանի փաստաբան Լուսինե Սահակյանը՝ անդրադառնալով «Վստրեչի Ապերի» հասցեում կատարվող քննչական գործողություններին։
«Նույնիսկ ազգականներ, որոնք եկել էին ուղղակի և ինչ-որ մեկի տանն են եղել, նույնիսկ այդ անձանց են բերման ենթարկել։ Բերման ենթարկելու կասկածանքը կողոպուտ և ինչ որ առևանգում»,- ասաց Սահակյանը՝ նշելով, որ փաստաբանները տեղեկացված չեն եղել։
Փաստաբան Երվանդ Վարոսյանը նշեց, որ սա ոչ միայն ապօրինություն էր, այլև՝ վայրագություն։
«Երբ որ ես մտա տուն և բարձրացա երկրորդ հարկ, տեսա ննջարանում՝ Արամ Վարդանյանի հինգ տարեկան թոռը, աղջիկ երեխա, մոր գրկին դողում է, իսկ դիմակավորված և զենքները բաց , ննջասենյակում գոռգոռացող ոստիկաններ։ Դա զարհուրելի էր »,- ասաց Վարոսյանը։
Բացի այդ՝ փաստաբան Լուսինե Սահակյանն ասաց, որ երեխան տուժել է և հիմա չի խոսում՝ վախի պատճառով։
