Իրանում կորոնավիրուսով վարակվածների թիվը հասել է 388-ի, մահացել է 34 մարդ

Իրանում կորոնավիրուսով վարակվածների թիվը վերջին 24 ժամվա ընթացքում ավելացել է հարյուրով՝ հասնելով 388-ի, մահացել է 34 մարդ: Այդ մասին փետրվարի 28-ին հայտնել է Իրանի առողջապահության նախարարության ներկայացուցիչ Քիանուշ Ջահանփուրը։

«Ընդհանուր առմամբ վարակման դեպքերի թիվը հասել է 388-ի, 73 մարդ ապաքինվել է, մահացել է 34 մարդ»,- հայտնել է նա մամուլի ասուլիսի ընթացքում, որը ցուցադրել է IRINN հեռուստաալիքը՝ տեղեկացնում է RIA Novosti-ն։

Ջահանփուրի խոսքով՝ առաջիկա օրերին կանխատեսվում է վիրուսի հետագա տարածումը։