Աստղաբանների խոսքերով՝ երջանիկ և ներդաշնակ կյանքի համար մենք պետք է սովորենք ճանաչել ու հասկանալ այն ազդանշանները, որ ուղարկում է մեզ Տիեզերքը։
Հաջողության գաղտնիքները, որոնցով կիսվում են մեզ հետ բարձրագույն ուժերը, կօգնեն մեզ գտնել մեր տեղը կյանքում և հասկանալ թե ինչում է մեր երջանկությունը։
Կենդանակերպի յուրաքանչյուր նշանի համար ներկայացնում ենք հաջողության երեք գաղտնիքները։
Խոյ
- Ձեր մեջ բացասական էներգիա մի կուտակեք և հեռու մնացեք այն մարդկանցից, որոնք բացասական հույզեր են ձեզ հաղորդում։
- Մի կարծեք, թե միայնակ կարող եք սարեր շուռ տալ։ Ձեր երջանկությունը մտերիմների օգնության մեջ է։
- Մի փոխվեք, մի փորձեք նմանվել ուրիշներին։
Ցուլ
- Զբաղվեք միայն այն գործերով, ինչից հաճույք եք ստանում։
- Մի վախեցեք փոխել ձեր կյանքը։
- Վերահսկեք սեփական հույզերը։ Ձեր իմպուլսիվությունը կարող է բացասաբար անդրադառնալ ձեր հետագա կյանքի վրա։
Երկվորյակներ
- Սուտը ձեզ երբեք չի երջանկացնի և միայն կազդի ձեր վարկանիշի վրա։
- Ձեր երջանկությունը կյանքը պլանավորելու և դրան խստորեն հետևելու մեջ է։
- Ընկերներ ձեռք բերելու ունակությունը կարող է բազմաթիվ դռներ բացել ձեր առաջ և ներդաշնակություն բերել ձեր կյանք։
Խեցգետին
- Փախչելով խնդիրներից՝ դուք իրապես երջանիկ չեք լինի։
- Շրջապատը մեղավոր չէ ձեր անհաջողությունների համար, սովորեք պատասխանատու լինել ձեր քայլերի համար։
- Մի պարծեցեք ձեր պլաններով, թող մարդիկ տեսնեն ձեր արդյունքները։
Առյուծ
- Ձեզ ուրիշներից լավը մի համարեք։ Ավելի լավ է ձեզ ուրիշների տեղը կարողանաք դնել։
- Վտանգավոր սովորությունները կարող են ձեզ ներսից քայքայել։ Հանեք ձեր կյանքից այն ամենը, ինչը խախտում է շրջապատի հետ ձեր ներդաշնակությունը։
- Սովորեք «ոչ» ասել։
Կույս
- Ձեզ ամեն ինչում ճիշտ մի համարեք։ Սովորեք լսել և վերլուծել դիմացինի կարծիքը։
- Ինքնաքննադատությունը լավ գիծ է, բայց պետք չէ չափն անցնել։ Գտեք ոսկե միջինը։
- Սովորեք ադեկվատ վերաբերվել քննադատությանը։
Կշեռք
- Մի մեղադրեք ուրիշներին ձեր անհաջողությունների մեջ։ Դուք եք ձեր երջանկության դարբինը։
- Ձեր ներսում հսկայական ներուժ կա, միայն թե հավատացեք ձեզ և սկսեք գործել։
- Կյանքը միայն սև ու սպիտակ չի լինում։ Այն շատ բազմագույն է։ Հասկացեք դա և երջանիկ եղեք։
Կարիճ
- Բարությունը ձեզ ավելի երջանիկ կդարձնի, քան չարությունը։ Սովորեք ներել մարդկանց։
- Օգնեք մարդկանց այն ժամանակ, երբ դա նրանց պետք է, այլ ոչ թե երբ ժամանակ ունեք։
- Այն ամենն, ինչի մասին դուք երազում եք, կիրականանա, պարզապես համբերեք և հավատացեք։
Աղեղնավոր
- Հեռու մնացեք բացասաբար տրամադրված մարդկանցից։
- Շատ ընկերներ ունենալու ունակությունը պետք է ի բարօրություն ձեզ օգտագործեք։
- Երբեք մի պոկվեք ձեր արմատներից։ Նույնիսկ օտարության մեջ կապ պահպանեք մտերիմ մարդկանց հետ։
Այծեղջյուր
- Մի վախեցեք սիրելիների առջև բացել ձեր հոգին։ Նրանք դա գնահատում են։
- Երբեք մի հրաժարվեք օգնությունից։ Ձեր հաջողությունը դրական կապեր հաստատելու մեջ է։
- Դուք ուժեղ ինտուիցիա ունեք։ Սովորեք լսել ձեր ներքին ձայնը։
Ջրհոս
- Սովորեք դրական լույսի տակ մտածել։ Դա ձեզ ավելի շատ բան կտա, քան նեգատիվը։
- Դուք պետք է նպատակ ունենաք, որպեսզի լիարժեք մարդ զգաք ձեզ։
- Զգույշ եղեք, ձեր անզգուշությունը կարող է ձեզ վրա թանկ նստել։
Ձկներ
- Հավատացեք ինքներդ ձեզ, դուք մեծ բարձունքների կարող եք հասնել։
- Գնահատեք այն հոգատարությունը, որ ստանում եք հարազատներից։
- Աշխատեք ինքնաբավ լինել։ Դուք կարող եք ցանկացած ձեր առջև դրված խնդիր հաջողությամբ լուծել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել