Regionmonitor.com-ը գրում է.
Ադրբեջանում կայացած խորհրդարանական ընտրություններից հետո ծավալված բողոքի ցույցերի ընթացքում ձերբակալվել էր 55 մարդ, այդ թվում ՝ կուսակցության առաջնորդներ, պատգամավորների թեկնածուներ, դիտորդներ և բոլորը, ովքեր իրենց անհամաձայնությունն էին հայտնել ԿԸՀ կողմից հրապարակված պաշտոնական տվյալների հետ: Այս մասին հայտարարել է «Մուսավաթ» կուսակցության մամուլի ծառայության ղեկավար Մուստաֆա Հաջիբեյլին:
Դեռևս անհայտ է ցույցերից առաջ ձերբակալված «Մուսավաթ» կուսակցության առաջնորդ Արիֆ Հաջիլիի և «Հանրապետական այլընտրանք» կուսակցության ղեկավար Իլգար Մամեդովի գտնվելու վայրը:
D18 շարժման առաջնորդ, պատգամավորի թեկնածու Ռուսլան Իզզեթլիին տարել են Եվլախ քաղաք (300 կմ. Բաքվից արևմուտք) և միայն այնտեղ են ազատ արձակել:
Քաղաքական գործչի խոսքով, նրան 4 ժամ մեքենայով «ման են տվել» և, ի վերջո, ազատ են արձակել Բաքու-Շամախի ավտոճանապարհին։
«Շարժում» դաշինքից պատգամավորի թեկնածուներ Մեհման Հուսեյնովը և Ուլվի Հասանլին ազատ են արձակվել Հաջիկաբուլ-Քուրդամիր մայրուղու վրա (Բաքվից 150 կմ արևմուտք):
Հավաքի ընթացքում ձերբակալված քաղաքացիներին ավտոբուսներով քաղաքից դուրս են տարել և իջեցրել են Բաքվից 60-80 կմ հեռավորության վրա ` Բաքու-Շամախի մայրուղու, Սանգաչալի, Ալատի, Գոբուստանի ամայի վայրերում:
