Hetq.am-ը գրում է.

Հուլիսի 7-ին ոստիկանության Դիլիջանի բաժնում հաղորդում էր ստացվել անհայտ անձի կողմից որսորդական հրացանից կրակելու միջոցով մի գազալցակայանի աշխատասենյակի պատուհանի ապակիները և տարածքում տեղադրված սուրճի եփման ավտոմատ սարքը վնասելու մասին:

Ոստիկանության Դիլիջանի քննչական բաժնից ստացվել է տեղեկանք, որ փաստի առթիվ քրեական օրենսգրքի 185 հոդվածի 2-րդ մասի 1-ին կետով հարուցված քրեական գործով կասկածյալ, 1979 թ. ծնված Արագած Թ.-ն հուլիսի 11-ին կամավոր ներկայացել է ոստիկանության Տավուշի մարզի քննչական բաժին և տվել խոստովանական ցուցմունք, որ ինքն է իր մոտ գտնվող «Բայկալ» հրազենով կրակ արձակել գազալցակայանի ուղղությամբ:

«Կատարվում է քննություն»,- հայտնում է ոստիկանությունը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել