Թոռնիկները շատ կապված են լինում տատիկների ու պապիկների հետ: Նրանց կապը շատ խորն է:
Ահա 5 պատճառ, թե ինչու են տատիկներն ու պապիկներն ամենալավ նվերը ցանկացած երեխայի կյանքում:
Երեխաները միշտ կունենան լրացուցիչ աջակցություն
Օքսֆորդի համալսարանում անցկացված ուսումնասիրության արդյունքում պարզվել է, որ երեխաները, ովքեր մոտ են տատիկին և պապիկին, ավելի քիչ հուզական և վարքային խնդիրներ ունեն և ավելի լավ են կարողանում վարվել այնպիսի տրավմատիկ կյանքի իրադարձությունների հետ, ինչպիսիք են ամուսնալուծությունը կամ ահաբեկչությունը:
Տատիկներն ու պապիկները երեխայի համար կարող են լավ խորհրդատուներ լինել:
Սերունդների հիշողությունը և ինքնորոշումը օգնում են երեխաներին ավելի լավ դիմակայել դժվարություններին
Սեպտեմբերի 11-ի ահաբեկչություններից հետո երեխաների սթրեսային դիմադրությունն ուսումնասիրող հոգեբանները պարզեցին, որ նրանք, ովքեր ավելի շատ գիտեին իրենց ընտանեկան պատմության մասին, ավելի լավ են հաղթահարել սթրեսը:
Տատիկ-պապիկի հետ մոտ լինելը օգնում է երեխաներին ավելի լավ վերաբերվել մեծահասակներին
Մենք բոլորս ծերանալու ենք և, իհարկե, չենք ուզում, որ հաջորդ սերունդը մեր հանդեպ խտրական վերաբերմունք ունենա: Մի ուսումնասիրության համաձայն, որին մասնակցել են 7-16 տարեկան բելգիացի երեխաներ, իրենց տատիկ-պապիկներին մոտ գտնվող երեխաներն ավելի քիչ են արհամարհում տարեց մարդկանց:
Ավագ սերնդի հետ շփումը պաշտպանում է դեպրեսիաներից
2014 թվականին Բոստոնի քոլեջում անցկացված ուսումնասիրությունների արդյունքում հետազոտվել են այն երեխաները, ովքեր շատ մոտ են իրենց տատիկ-պապիկների հետ: Ըստ հետազոտության արդյունքների՝ նրանք ավելի նյարդադիմացկուն են:
Երեխաները օգնում են տատիկներին ու պապիկներին ավելի երկար ապրել
Գիտությունը վերջապես ապացուցեց, որ տատիկների և պապիկների կողքին լինելը օգտակար է ոչ միայն երեխայի, այլև նրանց համար: Երեխաները դառնում են ավելի ճկուն, իսկ տատն ու պապը դառնում են ավելի առողջ:
