Տարիքային բծերը կարծես մեր կյանքի անխուսափելի մասն են կազմում:
Այդ փոքր շագանակագույն բծերը սովորաբար հայտնվում են մաշկի վրա արևի ազդեցությունից հետո, բայց դրանք կարող են նաև ծերացման նշան լինել:
Այդ իսկ պատճառով 50 տարեկանից բարձր մարդիկ ավելի հակված են դրանց առաջացմանը։
Ո՞րն է դրանց առաջացման պատճառը
Դարչնագույն բծերը զարգանում են արևի ուլտրամանուշակագույն ճառագայթների պատճառով: Երբ մաշկը ենթարկվում է այս ճառագայթների ազդեցությանը, մարմինը սկսում է մելանին արտադրել՝ փորձելով արևայրուք առաջացնել՝ մաշկի ավելի խորը շերտերը պաշտպանելու համար: Այսպիսով, տարիքային բծերը սովորաբար հայտնվում են մարմնի այն մասերի վրա, որոնք ավելի շատ են ենթարկվում արևի ազդեցության՝ դեմքը, պարանոցը, ուսերն ու ձեռքերը:
Չնայած որ մուգ բծերը շատ դեպքերում անվնաս են, եթե նկատում եք, որ դրանց մի մասն ավելի մուգ են կամ ավելի արագ են աճում, դիմեք բժշկի: Բացի այդ՝ պետք է անհապաղ դիմել բժշկի, եթե դրանք կարմիր են կամ արյունահոսում են:
Ի՞նչ անել դրանց հետ
Հաշվի առնելով, որ տարիքային բծերը վտանգավոր չեն, բուժում էլ չեն պահանջում։ Այնուամենայնիվ, շատերն են ցանկանում հեռացնել դրանք՝ զուտ էսթետիկ նկատառուներից ելնելով։
Գոյություն ունեն սպիտակեցնող քսուկներ, որ նշանակում են բժիշկները, և մի քանի ամիս պահանջվում է, որ դրանք ազդեն բծերի վրա։ Բծերի դեմ պայքարում են նաև բժշկական հատուկ միջամտությունների օգնությամբ՝ լազերային բուժում, քիմիական փիլինգ և այլն։
Սակայն այսօր տնական միջոց ենք առաջարկում, որը ընդամենը երկու բաղադրիչից է կազմված։
Այս բուժումն անելու համար թարմ սոխի խորանարդիկները կտորի մեջ դրեք: Վերցրեք որևէ ծանր առարկա՝ սոխը ճզմելու և դրա հյութը հանելու համար: Սոխի հյութը լցրեք բլենդերի մեջ կես բաժակ խնձորի քացախի հետ և խառնեք: Բամբակի սկավառակը մտցրեք լուծույթի մեջ և քսեք լաքաների վրա: Լավագույն արդյունքի հասնելու համար դա արեք օրը մեկ անգամ: Երկուսից չորս շաբաթվա ընթացքում դուք կնկատեք դրական փոփոխությունը:
