Արթուր Ալեքսանյանը հաղթել է ադրբեջանցի մարզիկին և նվաճել ոսկե մեդալ

Ֆրանիսական Նիս քաղաքում անցկացված Անրի Դեգլանի անվան ըմբշամարտի միջազգային մրցաշարում Արթուր Ալեքսանյանը նվաճել է ոսկե մեդալ:

Արդեն կիսաեզրափակչում 2:1 հաշվով մեր մարզիկը հաղթանակ է տարել Բելառուսի ներկայացուցիչ Ալեքսանդր Խրաբովիկի նկատմամբ: Իսկ ահա եզրափակչում 3:1 հաշվով Ալեքսանյանը առավելության է հասել Ադրբեջանի ներկայացուցչի` Օրհան Նուրիևի նկատմամբ:

Հայաստանի ըմբշամարտի հավաքականը ևս 2 արծաթե ու 4 բրոնզե մեդալ է նվաճել Ֆրանսիայի մրցաշարում:

Արծաթե մեդալակիրներ են դարձել Ռուդիկ Մկրտչյանн (55 կգ) ու Կարապետ Չալյանը (77 կգ): Բրոնզե մեդալներ են նվաճել Գևորգ Ղարիբյանը (60 կգ), Սլավիկ Գալստյանը (67 կգ), Մալխաս Ամոյանը (72 կգ) և Ռուբեն Ղարիբյանը (82 կգ):

Հիշեցնենք, որ հունահռոմեական ոճի ըմբշամարտի հավաքականը 10 ըմբիշով է մասնակցել Նիս քաղաքում անցկացված Գրան Պրի մրցաշարին: