Իվ Սեն-Լորանին անվանում են հեղափոխական նորաձևության ոլորտում, բարձր նորաձևության փոքրիկ իշխան և հավերժ դասական։ Ըստ Ֆրանսիայի նախկին նախագահ Նիկոլյա Սարկոզիի՝ Սեն-Լորանն առաջինն էր իր կոլեգաների մեջ, որը նորաձևությունը բարձրացրեց արվեստի մակարդակի։

Իվը հայտնի է դարձել, երբ դեռևս 17 տարեկան էր. նրա ստեղծած փոքրիկ սև զգեստի նախագիծը մրցույթներից մեկի ժամանակ լավագույնը ճանաչվեց՝ անցնելով Կարլ Լագերֆելդի տարբերակը։ Երիտասարդին իր մոտ աշխատելու հրավիրեց Քրիստիան Դիորը, և այդպես սկսվեց նրա փառավոր ուղին։

Սեն-Լորանը նորարար էր և ինչ-որ առումով նաև ըմբոստ. նա է ստեղծել ունիսեքս ոճը, ինչի շնորհիվ կանացի և տղամարդու հագուստների միջև սահմանը գրեթե անհետացավ։

Ահա Սեն-Լորանի 11 լավագույն խորհուրդները.

  1. Այս կյանքում ես զղջում եմ միայն այն բանի համար, որ ջինսերի ստեղծողը ես չեմ եղել։
  2. Զգեստապահարանը կնոջ ապրելակերպն է։
  3. Գեղեցիկ լինելու համար կնոջը բավական է ունենալ սև սվիտեր, սև կիսաշրջազգեստ և քայլել սիրելի տղամարդու ձեռքը բռնած։
  4. Եթե կնոջ մարմինը խնամված է, ապա միշտ կգտնվի մեկը՝ ով թանկարժեք մուշտակ կգնի նրա համար։
  5. Սերը լավագույն կոսմետիկ միջոցն է. այն զարմանալիորեն գեղեցկացնում է սիրահարված կնոջ երեսը։
  6. Ինձ համար ֆիզիկապես շատ ծանր է տեսնել մի կնոջ, որը իր ձեռքերով իրեն վերածել է նորաձևության զոհի և ծիծաղելի ու տարօրինակ տեսք ստացել։
  7. Նորաձևությունը ժամանակավոր է, իսկ ոճը՝ հավերժ։ Նորաձևությունը ոչ միայն պետք է գեղեցկացնի կնոջը, այլ նաև հանգստացնի և ինքնավստահ դարձնի նրան։
  8. Երբեք չշփոթեք էլեգանտությունը պճնամոլության հետ։
  9. Հագուստը պետք է ենթարկվի կնոջ անհատականությանը և ոչ թե հակառակը։
  10. Տարիների ընթացքում ես հասկացա, որ հագուստի մեջ ամենակարևորը կինն է, որը այն կրում է։
  11. Էլեգանտ կարող է անվանվել միայն այն շլացուցիչ զգեստը, որը երկրորդ անգամ կրել չի կարելի։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել