Regionmonitor.com-ը գրում է.

Ուկրաինական ինքնաթիռի խոցման դեմ Իրանի մայրաքաղաք Թեհրանում տեղի ունեցող բողոքի ակցիաները հունվարի 12-ի երեկոյան ավարտվել են: Այս մասին հայտնել է իրանական ILNA լրատվական գործակալությունը:

Ըստ լրատվամիջոցի՝ հունվարի 12-ին Թեհրանի Ազատության հրապարակում 3 անգամ հավաք է եղել, որոնց մասնակցել է 2000-3000 մարդ: Ակցիայի մասնակիցները պահանջել են դեպքի համար պատասխանատու անձանց հրաժարականը:

Հավելենք, որ, ըստ BBC-ի պարսկական ծառայության, Ազատության հրապարակում ոստիկանները կրակ են բացել ցուցարարների ուղղությամբ: Թեհրանի ոստիկանապետը, սակայն, հերքել է ցուցարարների վրա կրակելու մասին լուրերը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել