Factor.am-ը գրում է․
Երեխաների ապօրինի որդեգրման գործով այսօր բողոքի ակցիա էր Դատախազության շենքի դիմաց։ Ակցիայի կազմակերպիչ ծնողները հանդիպեցին գլխավոր դատախազի հետ, որից հետո նրանցից Հայկուհի Խաչատրյանը լրագրողներին հայտնեց, որ որոշակի տեղեկություն է ունեցել, թե գործով գլխավոր մեղադրյալ Ռազմիկ Աբրահամյանն ու գխավոր դատախազ Արթուր Դավթյանը հանդիպել են, ասաց այդ մասին հարց է տվել դատախազին․ «Դատախազը հերքեց, ասելով, որ մատուցողը շփոթել է, իր հետ եղել է Ռազմիկ Աբրահամյանի փաստաբանը, ես իմ կասկածները հայտնեցի, որին ի պատասխան դատախազն ասաց, որ երբ արդյունքները լինեն ինքը կպարզաբանի, որ անձամբ չի ճանաչում և դեմքով չի տեսել Ռազմիկ Աբրահամյանին»։
Ըստ դատախազի հետ հանդիպման գնացած կանանց՝ Դատախազությունից իրենց խոստացել են, որ իրենք էլ հետևողական կլինեն, որպեսզի գործն ամբողջությամբ բացահայտվի։
Մանրամասները՝ տեսանյութում։
