Զելենսկիի նմանակը կմարմնավորի Ուկրաինայի նախագահին ռուսական կատակերգական ֆիլմում

Թե ինչ անվանում կունենա կինոնախագիծը, և երբ կսկսվեն նկարահանումները, դեռ հայտնի չէ:

Վլադիմիր Զելենսկիի նմանակ Ումիդ Իսաբոեվը հայտարարել է, որ Ուկրաինայի նախագահին կմարմնավորի ռուսական կատակերգական ֆիլմում: Այս մասին հաղորդել է Mash-ը:

«Հայտնի պրոդյուսերը պայմանագիր է առաջարկում: Կատակերգական ֆիլմում՝ գլխավոր դեր»,- ասել է տղամարդը: «Իսաբոեվին առաջարկվել է խաղալ Զելենսկիի դերը Ուկրաինայի մասին պատմող 4 մասանոց ֆիլմում: Ումիդը կարդացել է սցենարը և համաձայնել է ստորագրել պայմանագիրը»,- ասվում է Mash-ի հաղորդագրությունում:

Ավելի վաղ՝ 2019-ի օգոստոսին, մոսկովյան մետրոյի վագոններից մեկում նկատել էին մի տղամարդու, որը նման էր Ուկրաինայի նախագահ Վլադիմիր Զելենսկիին: Դա Ումիդ Իսաբոեվն էր: